Viernes - 20.Noviembre.2026 |
Estás en: Poetas famosos Señol juez, pasi usté más alanti Y que entrin tós esos No le dé á usté ansia No le dé á usté mieo Si venís antiyel á afligila Sos tumbó á la puerta ¡Pero ya s´a muerto! Embargal, embargal los avíos Que aquí no hay dinero Lo he gastao en comías pa ella Y en boticas que no le sirvieron Y eso que me quea Porque no me dio tiempo á vendello Ya me está sobrando Ya me está gediendo! Embargal esi sacho de pido Y esas jocis clavás en el techo Y esa segureja Y esi cacho é liendro ¡Jerramientas que no quedí una! ¿Yo pa qué las quiero? Si tuviá que ganalo pa ella ¡Cualisquiá me quitaba á mí eso! Pero ya no quió vel esi sacho Ni esas jocis clavás en el techo Ni esa segureja Ni esi cacho é liendro ¡Pero á vel, señol jues: cuidiaito Si alguno de esos Es osao de tocali á esa cama Ondi ella s´a muerto La camita ondi yo la he querío Cuando dambos estábamos güenos La camita ondi yo la he cuidiao La camita ondi estuvo su cuerpo Cuatro meses vivo Y una nochi muerto! ¡Señol jues: que nenguno sea sosao De tocali á esa cama ni un pelo Porque aquí lo jinco Delante usté mesmo! Lleváisoslo todu Todu menos eso Que esas mantas tienin Suól de su cuerpo ¡Y me güelin, me güelin á ella C´a ves que las güelo! |
v.03.15:0,062 Novedades Contacto buscador Mapa web GestionMax | |
© RedGiga - 1998-2026 |
Aviso Legal |
Política de Privacidad |
Publicidad |